Centru d'Escultura Muséu Antón - ayto-carreno
Centro d'Escultura Muséu Antón
El Centru d'Escultura Muséu Antón ye de titularidá del Conceyu y gracies a un alcuerdu de collaboración de contino cola Conseyería de Cultura, el centru inxértase na rede de museos del Principáu d'Asturies. Los sos oxetivos son la conservación de les sos colecciones y l'estudiu, documentación, espardimientu, fomentu, investigación y pedagoxía de la escultura en toles sos manifestaciones y del arte en xeneral.
Antecedentes
El Muséu Antón abrió les sos puertes al públicu el 13 de xunetu del 1989. Finaba asina un procesu entamáu na década de los setenta cuando los herederos del escultor candasín Antonio Rodríguez García, "Antón" (1911-1937), afitaben negociaciones col Conceyu de Carreño col envís de qu'esti recibiere en donación la obra del artista, que conservaben dende facía más de cuatro llustros.
Edificiu
Les instalaciones del Centru d'Escultura Muséu Antón ocupen un edificiu de finales del sieglu XVIII, la casona de los Estrada-Nora. Foi adquirida pol Conceyu de Carreño nel 1983, cola finalidá de destinala a usu cultural múltiple, pero nel 1987 decídese destinala a muséu dafechu.
L'edificiu ye de pisos cuadraos y tien dos altures. Nel portal, presidíu pola emblemática pieza d'Antón, Marinera, ta'l mostrador d'información. Nesti pisu baxu, allúguense tres sales d'esposiciones temporales, l'almacén xeneral y los llavabos. Una escalera de madera va dende'l portal d'entrada y da a un corredor que ta yá nel primer pisu..
La mayor parte de la superficie del primer pisu ocúpala una sala nidia enforma y soleyera, destinada a la esposición permanente de la obra d'Antón. Nel segundu pisu atopamos la biblioteca, una sala d'usos múltiples qu'en delles ocasiones emplégase como espaciu espositivu, l'archivu y la oficina.
.
Datos de contactu
- Señes:
- El Cueto e/n
- Códigu postal:
- 33430 - Candás - Asturies
- Teléfonu:
- 985 87 18 00
- Fax:
- 985 87 19 01
- Páxina web:
- http://www.museoanton.com
- Correos electrónicos:
- museoanton@ayto-carreno.es
museoanton@telefonica.net
Horariu de visites
Grupos concertaos, fuera l'horariu, cita previa
- Iviernu (ochobre-mayu)
- Llaborables, menos los llunes: de 17:30 a 19:30 hores.
- Sábados y festivos: de 12:00 a 14:00 y de 17:30 a 19:30 hores.
- Branu (xunu-setiembre)
- Tolos díes menos los llunes: De 12:00 a 14:00 y de 18:00 a 21:00 hores.