Pistes Polideportives de la zona rural - ayto-carreno
Pistes polideportives de la zona rural
Albandi
Construyóse nel añu 2005. Cuenta con unes dimensiones de 44 X 22 metros, y ta arrodiada por un valláu. Ta asitiada nel barriu El Monte Calera, 11, xunto al centru d'iniciativa rural, y l'aldea dixital (telecentru rural).
Amás, dispón d'un edificiu apegáu nel que podemos atopar vestuarios y duches pa les persones usuaries de la mesma.
Ta preparada pa la práctica de diversos deportes, yá que cuenta coles pistes marcaes pa la práctica de fútbol, baloncestu, voleibol y tenis ente otros.
Ambás
La pista d'Ambás, que se construyó nel añu 2004, caltién la forma estándar de la mayoría de les del conceyu, con unes midíes de 44 X 22 metros, subdividida según les necesidaes de caún de los deportes que puen practicase nella.
Cuenta con un valláu perimetral que contribúi a la seguridá de les persones usuaries y con un edificiu anexu con vestuarios.
El so allugamientu ta próximu a les antigües escueles d'Ambás y local actual de xuntes de la vecindá y asociaciones, lo que favorez el so usu.
Nella puen desarrollese dellos deportes, pero rescampla l'usu que faen d'ella los y les moces de la zona pa la práctica del fútbol.
Quimarán/Guimarán - El Valle
Esta pista polideportiva, que ye conxunta pa les parroquies de Quimarán/Guimarán y El Valle, ta asitiada nun puntu intermediu pa dambos, nunes finques de propiedá municipal nel barriu de La Vega, n'El Valle. Cuenta, al igual que les anteriores, con unes midíes de 44 X 22 metros. Foi inaugurada nel añu 2005.
Les sos instalaciones, qu'inclúin vestuarios pa les persones usuaries puen allugar distintes variedaes deportives, pero podría rescamplar como'l so usu más habitual la práctica del fútbol.
Ye un terrén valláu dafechu y asitiáu amás, n'unu de los centros neurálxicos de la zona onde tamién tán asitiaos el centru d'iniciativa rural, l'aldea dixital (telecentru rural) y les escueles.
Perlora
La construcción de la pista polideportiva de Perlora fízose ente los años 2000 y 2004 al traviés d'un plan local d'empléu. Ta asitiada nel barriu de La Pedrera, xunto al centru d'iniciativa rural, l'aldea dixital (telecentru rural) y les escueles.
Les sos instalaciones cuenten con una cancha asfaltada (44 X 22 metros) y habilitada pa la práctica de diversos deportes, lo mesmo que d'un local anexu onde s'atopen allugaes les duches y vestuarios, too ello dientro d'un recinto zarráu.
Prevera
La so construcción data de los años 1998-1999, en principiu fizo la remocicación de la esistente coles midíes estándar de 44 X 22 metros y la so adecuación pa les distintes disciplines deportives pa más tarde realizar la so cubrición.
D'esta miente aumentó'l tipu d'usos que se-y puen dar al recintu, que yá nun son namás deportivos, sinón tamién culturales y sociales y les situaciones d'usu, yá que pue usase anque esistan condiciones climatolóxiques adverses o l'actividá sía nocherniega.
Tamón
La pista polideportiva de Tamón ta allugada nel barriu d'Alredor de la Ilesia, pela redolada de la escuela, la ilesia y la l'aldea dixital (telecentru rural).
Les sos midíes de 44 X 22 metros son les aparentes pa la práctica de diversos deportes como'l fútbol, el tenis, el futbitu, etc.
El recinto ta valláu pa una mayor seguridá y dispón d'un serviciu d'allumáu, lo qu'aumenta la so utilidá pa otru tipu d'actividaes.
El so usu céntrase principalmente na práctica de deportes per parte de la xente de la zona, ansí como pa fiestes de tipu social y como zona de recréu y esparcimientu pal alumnáu de la escuela al llau.