Ta asitiada nel barriu de La Braña y podemos llegar a ella pela carretera CE-2; ye del sieglu XX. Esti conxuntu ta formáu por tres depósitos de planta rectangular. La circulación y el consumu específicu d¿agua determina la disposición socesiva de les pieces: fonte, bebederu y llavaderu.

La fonte y el bebederu tán n'ángulu, apegáu a estos y más p¿atrás de los otros dos elementos ta'l llavaderu; los materiales utilizaos na cubrición son madera, viroterm y placa ondulao.

La fonte ta inxertada nuna paré de perfil escalonáu. La edificación consiste nun pilón realizáu con muries de lladriyu revocao, un cañu de fierro y una rexa p¿aguantar los recipientes. El llavaderu tien ocho llavaderes feches con lloses de piedra dispuestes en "L". La pila cuenta con dos recipientes separtaos por una muria con salida d¿agua; el de mayor tamañu alluga seis de les ocho llavaderes.