Asitiáu no cimero de la zona de les iríes pa que podamos velu dende l¿autopista A-8 (Uviéu-Avilés), a l¿altura del puntu kilométricu 17.

Esti "monumentu" como podría considerase anguaño, surdió como publicidá d¿una bebida alcohólica prestixosa, pero llegó a convertise nun iconu o símbolu cultural del nuestru país tanto dientro como fuera de les nuestres fronteres.

El toru d¿Osborne ye una silueta enorme de toru bravu, d¿unos 14 metros d¿altor, diseñáu nel 1956 pol artista gaditanu Manolo Prieto na axencia publicitaria Azor y que suel colocase en sitios altos y de gran visión onde amás, el fondu del toru sía¿l propiu cielu. Les Bodegues Osborne encarguen facer la imaxe publicitaria pa la promoción del Brandy "Veterano" y Prieto dibuxa la silueta del toru. De mano faise de madera, pero ye dende¿l 1961 cuando entamen a construíse en fierro, adquiriendo¿l tamañu actual nel 1974, cuando se cambia¿l testu pa convertise na marca de los productos de la empresa.

Significación nueva del Toru: La Llei 25/1988 de Carreteres obliga a retirar cualquier tipu de publicidá visible dende la zona de dominiu públicu de les carreteres. Preténdese con ello eliminar un peligru potencial pa los automovilistes y un atentáu contra¿l paisaxe. La valla conviértese nuna simple silueta, na representación elemental d¿un toru. La retirada de les lletres del cuerpu de la valla supunxo un cambiu sustancial; la imaxe del toru empecipió vese nuevos territorios de significación y na evolución dende¿l diseñu orixinal del Prieto hasta la instalación y estensión de la valla publicitaria.  Amplióse l¿efectu inicial y perdióse la función comercial de la empresa patrocinadora, tresformándose en daqué mui distinto, trescendiendo la sustancia publicitaria y tornando nun potente símbolu de los que componen el nuestru imaxinariu colectivu.

Situación urbanística

Les normes subsidiaries en vigor (aprobaes nel 1993 y refundíes nel 1995) clasifiquen el suelu onde s¿asitia la valla-toru como SNUEP (Suelu non Urbanizable d¿Especial Protección).

Establécense unes normes de protección de calter xeneral (artículu 114) onde se prohíbe toa actividá, edificación o cambiu d¿usu, que puea implicar la tresformación del destín o naturaleza o lesiones al valor específicu que debe protexese, natural, ecolóxicu, paisaxísticu, cultural o agrariu.

Amás, regúlense los usos permitíos y los prohibíos. Nel artículu 117, los paisaxes naturales son definíos como aquellos que, pol so asitiamientu, vistes panorámiques, formes hidrolóxiques, bayura y particularidaes de la vexetación espontánea, o especiales característiques de la fauna o capacidá p¿allugala, merecen ser oxetu d¿especial protección.

Y nel artículu 118, defínense les peculiaridaes paisaxístiques como elementos o particularidaes del paisaxe característicu enforma, d'atractivu o rareza singular, tales como peñones, piedres, árboles singulares o d¿edá estraordinaria, cascaes, foces y elementos de característiques xeolóxiques paecíes, xeomórfiques, etc.

• Como norma complementaria del so amparu total, fíxase la obligatoriedá d¿establecer una zona de respetu o defensa, que s¿ha fixar en cada casu según les propies característiques xeolóxiques, xeomórfiques, etc.
• Na zona de defensa, prohíbese tou tipu d¿edificación o actuación de movimientu de tierres, infraestructures o cambiu de la vexetación, que puea alterar o cambiar la contorna.

Na actualidá esisten en toa España más de noventa toros repartíos pela nuestra xeografía