Ta asitiada nel barriu El Fondo, Quimarán/Guimarán. Pa llegar encamentamos, garrar l'AS-19, Xixón/Gijón-Avilés. Nel PK 6,300 garramos la carretera CE-6 dirección Serín y a 4 km. a la izquierda ta la capiya.

La parte cuadrada de la edificación, onde tien l'Altar Mayor, se cree que vien de la capiya de San Pablo, que tuvo allugada nel barriu del mesmu nome, n'El Monte Areo y que foi destruyida. Esta parte de la edificación, según pudimos saber, foi construyida nel 1620 pol cura nacíu en Quimarán/Guimarán Juan González León.

Nel sieglu XIX la capiya de Ntra. Sra. de los Remedios foi ampliada nel so llau norte y reconstruyida por última vez nel añu 1999.

Nel so interior alluga la imaxe de Nuestra Señora de los Remedios, patrona de Carreño, lo mesmo que de los llabradores y los marineros y canonizada pol Papa Juan XXIII el 24 de setiembre del 1959, en representación del cual allegó'l Cardenal Tardini, teniendo la mesma categoría que Nuestra Señora de Cuadonga. La so festividá celebrábase'l día 16 de setiembre pero como coincidía delles vegaes cola festividá del Santísimo Cristo de Candás, sobre l'añu 1950 aproximao, pasóse al primer domingu dempués de la festividá del Stmo. Cristo de Candás, nel mes de setiembre.