Ta asitiáu nel interior del parque Maestru Antuña, ente les cais Covadonga, Pedro Braña y avda. Fernández Ladreda, bien próximu al Teatru Prendes.

Recuerda l'orixinal pleitu contra les tolines y los calderones que protagonizaron los marineros de Candás nel 1624, porque eses especies comíen la pesca y estrozaben les redes, lo que fadiaba a los pescadores. Por ello, los pescadores punxeron una demanda y tres la celebración d'un xuiciu, el pleitu ganáronlu los candasinos.

Entós el notariu embarcó, y tando na mar, lleó a les tolines la sentencia que dicía que nun podíen volver per estes mariñes. Les tolines, pela so parte, acataron la llei y desapaecieron definitivamente. Esti monumentu fízolu l¿escultor Vicente Santarúa.