L'asociación vecinal de L'Alto Aboño dedicó esti monumentu a la familia real española nel añu 1915, por cuenta de la visita a Carreño de la infanta Isabel Francisca de Borbón y Borbón, conocida como "La Chata".

La so visita a la parroquia de Carrió entamó n'El Campu la Morena, cruciando La Ría d'Aboño nuna barca y darréu siguió'l trayectu nun carru engalanáu y tiráu por dos vaques engalanaes, pel Camín Real qu'escurre per El Castañéu, La Roza los Ablaneos,  Les Figares, La Pinga y Les Cruciades. Apararon pa descansar col grupu y darréu siguieron pel Camín Real en dirección a Xibares, onde paró p'almirar el paisaxe.

La escursión siguió pel Camín Real de La Fonte la Viña, onde bebieron un trago d'agua, subieron per La Xana, entamando la marcha hacia l'altu d'Albandi volviendo pa Candás.

Esta carismática infanta, fía de Fernando VII y de la cuarta muyer, la so sobrina María Cristina de Borbón-Dos Sicilias, tuvo numberosos contactos col conceyu de Carreño. La so gran simpatía y el so calter bonaz ganáron-y el ciñu del pueblu. La princesa regaló un faldón al Cristo de Candás, xestu que foi bien estimáu.