Nel barriu El Cabo atopamos esti molín que ye de propiedá privada y que pertenez a Armando García García. La construcción fízose nel 1875.

Esti molín de tipu cubu cuenta con un zarramientu de bóveda de lladriyu en túnel de conducción d¿agua o salida. Al nivel de la molienda o cuartu del molín, tien muries de carga de mampostería, forxa de vigues de madera y bóveda catalana en rasiella. La carpintería ye de madera con un acabáu de pintura y vidru simple, el revistimientu de cementu.

La cubierta a dos agües ye de teya árabe, esto ye, cerámica curvo y puesto en seco, quitando una filera cada 8 y tomao en cementu.
La descripción tipolóxica que podemos facer d¿él ye que tien un pisu de 5x4 metros cuadraos aproximao.

L¿edificiu del molín ye de llectura volumétrica propia, determinada pol arcu abiertu na planta baxa pel que va¿l calce del agua; incorpora na planta superior la vivienda. Accesu per una ponte de formigón sobre la salida o conducción d¿agua. Capta l¿agua él mesmu.