Ta asitiáu nel barriu Sopeñes, de la Parroquia d'El Valle. Aportamos a esti sitiu dende l'AS-19 dirección Xixón/Gijón-Avilés, PK 11,500, onde se toma la carretera CE-5 hacia Santolaya. Depués cruzamos la CE-6 escontra El Monte Areo y a unos 200 metros a la derecha, vamos topar el molín.

Esti molín ye l'únicu de Carreño que nel 1915 tenía permisu de la Comisaría d'Agües pa usalu nes xeres de moler hasta aproximadamente 1933, añu nel que cesó la so actividá. Álvaro Cuervu foi'l que mandó construir el molín en llegando a un alcuerdu con cinco persones más.

Como característiques tien: un canal de piedra d'hasta 7 metros d'altor, moxeca reconstruyida y brandal. El rodendu ta medio esbarrumbáu. La caseta d'esti molín ta fecha con piedra llabrao y el so suelu tamién ye de piedra.

Dende'l 1990, el molín pasó a ser propiedá d'Emilio Martínez Menéndez, (Emilio Repinaldo), que vive a unos 80 metros del mesmu. Foi reconstruíu por él nel1998, siendo'l so estáu de caltenimientu bien bonu. Nel interior del molín y na panera de Repinaldo, hai patrimoniu etnográficu de gran valor: palancaneru, un trubiecu de xergón fechu con fueyes de panoya, una chicolatera de madera, una goxa y un galipu de madera, ente otres coses..

Pa facelu furrular usaben les agües del ríu Sopeñes pero cuando yá nun hubo agua enforma, dexó d'usase como molín.