Ta asitiáu nel barriu de Güerno, na parroquia d'Ambás. Aportamos al llugar dende l'AS-19, Xixón/Gijón-Avilés y nel PK 15,400 llegamos a la retonda de Tabaza onde garramos la carretera AS- 236, dirección Serín. En circulando unos 1.900 m., a la izquierda, tomamos l'esvíu escontra Ambás, CE-6 y a 700 m., a la derecha, atopamos una esviación a la derecha pela que siguimos unos 200 m. Enantes garrar el camín pindiu, vamos topar esti llavaderu a la nuestra izquierda.

La so fecha de construcción ye del 1872 y ta inscrita nel cuerpu de la fonte. El soporte ye de mampostería cargao, con una estructura abierta con pilastres de lladriyu macizo cargao; la estructura del teyáu ye de madera y la cubierta a dos agües tien teya de cerámica curvo. El llavaderu tien 6 piedres pa llavar, un bebederu y una fonte con 2 caños.