Ta asitiada nel barriu La Nonzalera, de Perlora. Aportamos tomando la CE-3 dende l'AS-239.

L'edificiu qu'alluga la casona pertenez, según espertos de la Universidá d'Uviéu, al estilu rexonal-montañés.  Construyéronla nel 1947, fechu que daquella supunxo un acontecimientu en Perlora por cuenta de la escasez de construcciones, y que llevó a que l'obispu d'Uviéu, Benjamín de Arriba y Castro, tuviere presente na inauguración. Cuenta la lleenda que so los cimientos de l'actual casona hai unes monedes soterraes.

En 15 de xunu del 1968, dempués de que los propietarios de la casa  (Sres. Moré de Carreño, Carmen y Félix), dexaren la casa y Perlora, cuando Mª Jesús Prendes y Moisés Suárez, col gabitu de dellos familiares, deciden convertila nun establecimientu hosteleru qu'inda anguaño ta en funcionamientu. La casona sufrió dellos cambios, sobre manera internos, a lo llargo de los años p¿adaptala a les necesidaes y servicios que tien d'ufiertar a los güéspedes. Anguaño tien 3 estrelles.

La Casona del Carmen (lleva esti nome n'honor a la primer propietaria) forma parte d'un grupu hosteleru con dellos establecimientos más na zona.