Ta allugada nel barriu La Rica, de la parroquia d'Albandi y aportamos a ella pela carretera AS-239 de Lluanco/Luanco-Xixón/Gijón. Nel PK. 9,500 gárrase'l ramal a la izquierda. Dende esti puntu, vamos llegar a la ilesia nunos  300 m. aproximao.

Esta Ilesia tamién foi quemada na guerra civil española, concretamente'l 10-04-36, cuando yera rexentada por D. Rosendo Mazuelas Arada, arcipreste de Carreño. El 20 de mayu del mesmu añu celebró una xunta ente la vecindá pa tratar sobre los trabayos de reconstrucción de la mesma, teniendo en cuenta que tolos fechos narraos asocedieron enantes de declarase oficialmente la guerra, el 19-07-36.

La nueva Ilesia foi inaugurada ensin solemnidá nenguna nel añu 1940. Nel so interior podemos atopar les imáxenes de la Virxe de Santa Rita y San Antón. El patronu de la parroquia ye Santiago, el 25 de xunetu. El 17 de xineru celébrase la festividá de San Antonio Abá cola puya¿l ramu; el 22 de mayu la festividá de Santa Rita y el segundu domingu d'agostu la fiesta de la Sacramental.