Asitiada na parroquia d'Ambás. Aportamos al llugar dende l'AS-19, Xixón/Gijón-Avilés, y nel PK 15,400 llegamos a la retonda de Tabaza, onde garramos la carretera AS-236 escontra Serín. En circulando unos 1.900 m., tomamos la esviación a la izquierda, dirección Ambás, carretera CE-6; a unos 1.400 m., allegamos a la ilesia.

El templu foi alzáu n'honor a Santiago, figurando ente les donaciones d'Alfonso X. Nel 1764  la ilesia vieya desapaeció, siendo construyida l'actual cola ayuda del arquitectu candasín Pedro Antonio Menéndez, y na que s'utilizaron materiales procedentes del turruxón de Güerno. Esta foi quemada cuando la guerra civil española y reconstruyida allá pelos años 40. Foi restaurada per última vez en xunu del 1996, presentando un bon estáu de caltenimientu anque con humedá nes partes baxes de les sos paredes.

El so interior abelluga les imáxenes de Santiago, patronu d'Ambás, celebrando'l 25 de xunetu la festividá de La Sacramental. Tamién esiste la imaxe de la Virxe del Rosario, celebrándose festividá tala'l tercer domingu d'ochobre y el 13 de xunu celébrase San Antonio.