Ta asitiada nel barriu La Pesgana, nesta parroquia. Encamiéntase acceder a la mesma dende l'AS-19, Xixón/Gijón-Avilés. Nel PK 8,100 gárrase'l ramal a la derecha, pela entrada al polígonu industrial de Falmuria, en Priendes y circulamos hasta'l fondu unos 700 m. pa después xirar a la derecha pel camín asfaltáu y a unos 100 m. tiramos pa la izquierda y percorremos unos 300 m. y asina llegamos onde ta Ilesia.

Esta ilesia construyóse va poco porque l'antigua taba allugada al llau del cementeriu y por cuenta de corrimientos de tierres taba a poco d'esbarrumbar. La ilesia actual inauguróla en xunetu del 1999 l'obispu Gabino Díaz Merchán. Depués de remataes les obres nel añu 98, feches por un constructor de Gozón, foi la primer persona que casó nesti templu.