Ta asitiada na parroquia d'El Valle, nel barriu de Santolaya y aportamos a ella dende l'AS-19, Xixón/Gijón-Avilés, PK 11,500, onde tomamos a la izquierda la carretera CE-5 dirección Santolaya na señal indicadora.

La ilesia de, mesmamente como otres 14 ilesies y tres capiyes de Carreño, yera propiedá de la realeza y toes elles diéronles a la catedral d'Uviéu ente la metá del sieglu IX y principios del XII. Dende¿l sieglu XIII instituyéronse como parroquies. Dicha ilesia tamién foi conocida colos nomes de "Santolaya del Areo, del Arcu o del Carru". Acordies la donación que fizo'l rei Alfonso III "El Magnu" y la reina Ximena, como "ilesia axunta a la de San Esteban de Quimarán/Guimarán" con fecha de 905.

A lo llargo los años esti templu sufrió munchos arreglos y reformes hasta agora. Foi reconstruyida al términu de la guerra civil española depués de que la quemaren. L¿últimu remocicamientu foi la empecipiada nel añu 2000 y rematada a empiezos del 2001.

Según l'ilustre candasín, González Posada, la denominación de "Santolaya del Arcu" débese al arcu del trunfu que tien nel so presbiteriu. La denominación "del Carru", débese a una roca saliente que lleva dichu nome. Esta peña, que ta cerquina d'esta ilesia y próxima al cume d¿El Monte Areo, atalaya tola parroquia y el llugar onde anguaño hai un mirador. El so estáu de caltenimientu ye bonu, tando señalizada la localidá pero non la ilesia.

Santa Olaya, patrona de la parroquia, celébrase'l 12 d'avientu, con misa solemne y amagüestu. La de Nuestra Señora del Carme ye pal 16 de xunetu y como se celebra siempre de domingu, si'l 16 nun fuere festivu, cámbiase pal domingu siguiente. Ellí celébrense actos relixosos, una romería y una esposición de productos de la güerta carreñense.