Aportamos al llugar dende la carretera AS-19, Xixón/Gijón-Avilés y nel PK 6,300, tomamos la carretera CE-6 dirección Serín y a unos 1.100 m.xiramos a la izquierda. En pasando'l barriu La Baragaña, a unos 800 m., llegamos a la ilesia.

Esta ilesia pertenez a la dómina del románicu y foi construyida p'hacia'l sieglu XII. Caltién el pórticu y los contrafuertes qu'estremen al cruceru. El pórticu presenta la estructura característica de la obra románica, anque yá pue apreciase un tímpanu, preludiu del góticu posterior.

Los capiteles con volutes suxeren el xónicu, amuesen motivos xeométricos y estríes ondulaes que paecen recordar les foles de la mar.

Esti templu tien namás una nave rectangular y una capiya mayor, dixebraes por un arcu de trunfu. Apegáu al llau oeste de la nave añadióse un pórticu..

Según paez, esta ilesia ye la segunda más antigua del conceyu de Carreño, dempués de la de Santa María d'El Pieloro/Piedeloro.

El Patronu de Prevera ye San Xuan, celebráu'l 24 de xunu, y la patrona ye la Virxe del Carme, que se celebra'l primer domingu d'agostu, celebrando una misa de campaña nel prau de la romería.

Los accesos son buenos, nun tando señalizáu'l so allugamientu. El so estáu de conservación ye aceptable