Ta allugada nel barriu Alredor de la Ilesia, de la parroquia de Tamón. Allegamos a ella dende l'AS-19, Xixón/Gijón-Avilés, y nel PK 15,400 llegamos a la retonda de Tabaza pa garrar la carretera AS-326, dirección Serín. Depués de circular 700 m. a la derecha, vamos ver la ilesia mentada.

La parroquia de San Xuan Bautista de Tamón, cedióla nel añu 1150 la reina Dña. Urraca a la catedral d'Uviéu. El templu ta nel llugar onde de mano se construyó, esto ye, xunto al cruce de los antiguos Caminos Reales de Xixón/Gijón-Avilés y Lluanco/Luanco-Uviéu/Oviedo.

Esti templu, al que subimos dende la carretera AS-326 pa después subir per una escalera de piedra de doce escalones, presenta una torre orixinal cuadrangular, estrecha y rematada en pirámide. Nun tien indicadores pal so allugamientu, tando los accesos d'aglomeráu asfáltico en bon estáu de conservación.

El patronu de la parroquia ye San Xuan Bautista, que se celebra'l 24 de xunu, celebrándose la fiesta de la Sacramental el primer domingu d'agostu.