Podemos arimanos pela carretera CE'6 escontra Prevera, al altor de la parroquia de Quimarán/Guimarán nel barriu El Fondo, onde tomamos l'esvíu a la derecha. N'arrodiando la primer casería 'Ca Campana', atopamos l'accesu a dicha fonte. Ta asitiada na falda d'una la carbayeda, a la vera del Camín de Santiago, nun barriu dende onde fai más de tres sieglos la campanina del campanariu de la capiya de Nuestra Señora de los Remedios sigue repicando nos bayurosos valles de Carreño.

Fonte pública de doble estructura que data del 1930, según la inscripción que recueye'l frontón clásicu de la fonte. Foi remocicada nel añu 2007 por un taller d'empléu municipal. A la izquierda tien un bebederu allargáu que guarda les mesmes dimensiones que'l pilón de la fonte.

La estructura d'esta fonte ta tamién bien próxima a Ca Constante, llugar onde tuvo la Casa Conceyu mientres el Trieniu Lliberal (1820 ' 1823), en virtú de lo previsto nes Cortes del 1813 pa poder facer Conceyos 'naquellos pueblos que por sigo o la so redolada llegaren a les mil almes'.