Asitiada nel barriu El Prau al que llegamos al traviés de la CE-3. El barriu El Prau ta cabo la zona conocida como Les Curves de les Gates. Esta fonte, que ye del sieglu XX, ye un conxuntu formáu por fonte, bebederu y llavaderu, asitiáu al pie del camín o carretera.

La fonte alcuéntrase al final del bebederu y ta señalizada pola presencia d'un pedestal rematáu en frontón poligonal con remate poligonal onde s'alluga'l cañu. La balsa o pila tien dos recipientes separtaos por una muria con salida, que conformaríen el bebederu y llavaderu respectivamente.