Ta asitiada nel barriu d'El Redal e/n y llegamos a ella pela AS-327. Ta na redolada de la entrada a la multinacional Dupont.

Abarca una fonte, bebederu y llavaderu, siendo esti últimu l'únicu cubiertu. El soporte ta fechu de lladriyu cargao; la cubierta tien una estructura de formigón que conforma una cubierta a dos agües.

Nel cuerpu de la fonte figura la inscripción del añu 1964, probablemente l'añu en que s'acometieron obres de meyora. En delles époques del añu echa agua a esgaya, polo que los alredores suelen tar encharcaos. Ta remocicada pol taller d'empléu municipal.