Ta asitiada nel barriu de Güerno y aportamos a ella dende la retonda de Tabaza pela carretera AS-326 pa depués esviamos a la carretera CE-6 (al altor del barriu El Cascayu-Tamón), onde empieza una subida empruna y pindia enforma; cuando terminamos de subir, atopamos la fonte a mano izquierda.

Tanto la fonte como el bebederu son de mampostería cargao. La fonte tien namás un cañu con forma de cabeza de lleón tallada en piedra de la que sal l'agua pal bebederu. La fonte y el bebederu tán nun estáu mui buenu de conservación yá que los restauraron nel 2008 nos talleres d'empléu municipal. Tien una inscripción nel frontón na que podemos lleer 1897-1924