Trátase d'una fonte con una forma peculiar si la comparamos col restu fontes del conceyu. Consta d'un pilón, de mampostería cargao y pintao, que termina en forma triangular y nel que s'atopa l'únicu cañu que tien y que funciona manualmente.

La fonte ta fundida nel terrén, siendo necesario baxar per unes escaleres pa poder allegase a ella. Ta rodiada d'un muru de contención que la protexe de los posibles argayos. Esiste tamién, un llavaderu con forma redondiada y con otra muria de contención alredor d'él.

La parte superior del llavaderu ta cubierta en tol perímetru por llábanes de piedra pa llavar, "llavaderes", namás separtaes ente sí por xuntes pequeñes de cementu. Tanto'l llavaderu como les muries de contención y el suelu tán recubiertos por piedra artificial. Foi remocicada pol taller d'empléu municipal