Podemos dir pela AS-19, Xixón/Gijón-Avilés. Nel PK 6,300, tomamos la carretera CE-6, dirección Serín y en pasando la ilesia de Santolaya d'El Valle, a unos 800 m. llegamos al barriu La Torre onde, al llau de la residencia canina Los Vitorones, empieza un camín de piedra, Camín de Santiago, señalizáu con pegollos de piedra. Siguiendo dende esi puntu y pel camín, a unos 1.100 m. al altor d'otru pegollu, reparamos (a la derecha) nuna pradería y a unos 200 m. del Camín de Santiago, un matu grande onde podemos topar la fonte; a la derecha ta'l prau de "Frades" y a la izquierda'l prau de "Cellero".

La presencia d'esta fonte nes proximidaes del Camín Real, Camín de Santiago, fai pensar que pudiere haber una 'sucursal" de la lleprosería de San Martín de Lodos. Ye una zona de camín frecuente pero fuera de la población, nun sitiu apartáu onde, según se diz, los malatos alliviaben la so enfermedá. Nun esisten indicadores pa llegar a la zona y el so estáu ye d'abandonu.