Ta allugada nuna pandiella de la parroquia de Santolaya, n'El Valle, a la izquierda de la caleya La Golpina, qu'estrema les parroquies d'El Valle y Llorgozana. Podemos dir pela AS-19, PK 13,500, dirección Xixón/Gijón-Avilés, onde se toma'l camín asfaltáu qu'escurre per un sitiu del nu5 del barriu El Lloral, en Llorgozana. Dempués d'unos 600 metros llegamos a un paraxe onde podemos acolumbrar  un álamu, que señala'l puntu esactu onde coinciden les parroquies de San Xuan de Tamón, Santiago d'Ambás, Santa Olaya d'El Valle y Santa María de Llorgozana.

Este mesmu puntu señala la fonte en cuestión pero por cuenta de la vexetación nun ye visible nin siquier el regatu, pudiendo tar soterráu. El nome de fonte tala ye polos cures que, echaos pámpana abaxo sobre'l suelu, podíen beber toos al empar dende la so propia parroquia. Lo de cantores vien porque nes aldees a los cures llamábenlos cantores, yá que pasaben la mayor parte del tiempu cantando, yá fuere en mises, fiestes solemnes, entierros, etc.

Esta fonte naz al llau del camín llamáu "Frades", que comunica estos terrenes con conventu de Santa María de Llorgozana. La fonte nun ta señalizada.