Fonte pública remocicada nel 2006 pol taller d'empléu municipal. Les obres de reforma consistieron na reconstrucción de la cubierta y el refuerzu d'estructura, la execución d'arquetes y canalizaciones pal saniamientu y drenaxe. Realizáronse obres de fábrica: pilastres y reforma de balsa.

Revocaron con fratás los panales verticales p'aplicar pintura plástico. Aplacaron de piedra'l frontal de la fonte y pisu nel frontal del conxuntu a base de soleres o llábanes de formigón armao y llosáu de piedra.