El muenye de Candás pasó per delles obres, remocicamientos y ampliaciones socesives, principalmente dende'l sieglu XVIII. A principiu de los años 50 ficiéronse unes de les últimes obres nel muenye, que consistió  na ampliación del dique. De resultes de tala ampliación, les corrientes cambiaron, avarando nel muenye arena a esgaya y perdiéndose, pasu ente pasu, el caláu hasta llegar al so estáu actual.

Nél puen vese ¿dos barcos de piedra¿ que traxeron d'Inglaterra al dexar d¿usalos a principios de los años 30. Unu d'ellos, de nome "GRETEFORCE", utilizóse como escollera y l'otru el "GRATEFARM", pasó a formar parte del mesmu dique del muenye.

En feches de recién ficiéronse obres p¿ameyoralu; obres que van cambiar enforma¿l so estáu con nueves ampliaciones nos sos diques.

Nes proximidaes de la dársena del muenye, alcontramos la estatua de ¿La Marinera¿, obra del escultor candasín ¿Antón¿, que representa a toles muyeres de los pescadores y reflexa maraviyosamente esi sufrimientu y carecimientu pola incertidume de si van volver ver con vida a esos homes que s'entregaron a la mar dafechu.

Na dársena del muenye, celebrábense dellos festexos taurinos, cuando por cuenta de la so configuración, cola marea baxa, quedaba de manera improvisada una ¿plaza de toros¿. Estos espectáculos taurinos celebráronse hasta'l 14-09-94, fecha na que se celebró la última corrida marinera..

Na zona conocida como La Pregona, atópase La Peña Furada, verdaderu símbolu de Candás. Trátase d'una peña con forma de zapatu de tacón utilizada en tiempos pasaos pal tresporte de mineral dende El Monte Fuxa hasta'l muenye.