La casa-palaciu Rivas, ye una de les cases emblemátiques de la villa y de fechu, ta nel barriu más antiguu de Candás, en Santolaya. Trátase d'una casa de planta rectangular, con tres altures y una guardilla o desván nel que podemos reparar dende fuera gracies al casetón que sobresal nel teyáu. La fachada ta recubierta de piedra.

Utiliza un estilu de decoración bien cenciellu destacando los recercos - que nun sobresalen - en ventanes y puerta y que tienen la mesma piedra que'l restu de la fachada.

La planta cimera estrémase de les demás pola esistencia de dos balcones pequeños y bien cenciellos, pero que dada la sobriedá de la construcción, rescamplen d'una manera especial. Tienen tamién una valla idéntica a la qu'arrodia'l pequeñu patiu delanteru que pertenez a la propiedá.

L'edificiu, nel momentu de la so construcción, amosaba na so fachada un güecu que dexaba patente l'ausencia d'escudu dalgunu, pero p¿hacia la década de los 70, punxeron l¿escudu qu¿exhibe agora: el de la familia Rivas..

Esta casa sirvió d'inspiración a Armando Palacio Valdés pa la conocida casa del señor de Meira nuna de les sos obres.