Ta asitiada na cai Bernardo Alfageme 15 y acordies cola cartela enriba la puerta, foi construyida nel añu 1900.

Foi mandada edificar por un coronel d'artillería, el Sr. Pardo. D'estilu eclécticu (tipu villa mediterránea), atópase anguaño nun estáu llamentable d'abandonu.

La fachada rematada por una terraza recta, rota pola guardilla cubierta de frontón, presenta dos pisos con cinco grandes ventanes abalconaes y una orixinal entrada-antoxana pentagonal saliente y acristalada que sirve de base al balcón central del segundu pisu. Los motivos decorativos más señalaos, amás del pórticu y la terraza enantes mentaos, son los sillares almohadillados y usaos nes esquines. Los recercos de los vanos, l'orixinal ventanu redondu, les cristaleres y los remates usaos na terraza dan-y un marcáu aire neorrenacentista.