Ta allugada nel barriu de Posada y foi construyida nel sieglu XVIII. Conozse como «Ca Muñiz de Pola». Ta raspiando la ruina, pero nel dintel de la puerta principal, entá podemos ver grabada la inscripción siguiente:

«Casa Solis de Carreño, año de 1765»

L'escudu, que ye bien simple, ta arimáu a la paré del este, sobre'l suelu. Esti ta parcialmente destruyíu, faltándo-y la parte central, que pudiere ser una águila o un lleón xuníu a un un ánxel, del que la so cara y ales entá se conserven perfectamente. Desperdigaos per tola piedra hai banderes, pendones, estandartes, espaes, llances, cañones de barcos, remos, hachos, un barril y un ancla.