Ta asitiada nel barriu La Granda, de la parroquia d'Albandi y podemos llegar dende l'AS-239, Lluanco/Luanco-Xixón/Gijón. Nel PK 10,300 tómase'l ramal a la izquierda pa escontra'l barriu L'Alto Aboño. A unos 200 m. vamos llegar al barriu La Granda, d'Albandi, llugar onde s'alluga esta casa palaciu.

Esta edificación data del sieglu XVII y foi propiedá de Dª. Perfecta García Artime, esposa del conocíu Pachín de la Granda, hasta que la mercó'l so propietariu actual, Martín, que la reconstruyó sobre'l 1980, ampliando los güecos de les ventanes y calteniendo casi tolos dinteles orixinales de les mesmes.

Caltién la entrada orixinal de la casa con forma d'arcu y orientada al sur. Según paez, dichu palaciu tenía escudu d'armes, anguaño desapaecíu, y según indica'l so propietariu actual, cuando él garró la titularidá, yá nun esistía. Na actualidá, la edificación consta de pisu baxu y primer pisu, too ello en mui mal estáu de caltenimientu y con fachada de piedra. Nun hai señalización p'allegar al llugar.