Ta asitiada nel barriu Caicorrida, de la parroquia d'Albandi, concretamente nel kilómetru 10 de la carretera AS-239, Lluanco/Luanco-Xixón/Gijón. La finca, ta compuesta pola casa principal ¿ Ca Manolín de Vicente ¿ y cabo esta, hai unes naves. Per detrás de la casa, ta la casa de los caseros. Separtaes d'esti conxuntu hai otres naves pequeñes que nel so día usaron como granxa avícola.

Dicha finca foi propiedá de Dª. Sira Suárez y un hermanu d'esta conocíu como "Manolín de Vicente" que foi maxistráu xeneral d'Asturies.

Data de finales del sieglu XIX y perteneció a los fundadores del Partido Reformista Asturiano, que se dedicaben a la construcción y a trabayos químicos nun pequeñu llaboratoriu que teníen nes naves apegaes a la vivienda principal y anguaño utilizaes pa la ellaboración de productos cárnicos. Como construcciones significatives que ficieron, figuren les escueles de Priendes y les cárceles d'Uviéu y Xixón.

Como reseñes significatives podemos comentar que nesta casa foi'l primer llugar del conceyu onde esistió'l primer coche. Nel añu 1926 aproximao, la familia d'Alfonso XIII, solía pasar la nueche ehí y nes naves que daquella s'usaron como granxa avícola, celebráronse delles mises y comuniones tres la quema de la ilesia de Santiago d'Albandi na guerra civil española, toes elles oficiaes pol arzobispu de Carreño Don Rosendo Mazuelas Arada. La finca en cuestión, nel añu 1974, foi mercada pol so actual propietariu y fundador de la empresa de productos cárnicos "Embutidos Santa Rita", llamáu Manuel Narciso González González.