Asitiada nel barriu La Calle la Vega, llegamos a ella pela AS-110 hasta la retonda de Tabaza onde garramos la salida de la carretera AS-326 en sentíu Serín, a 200 metros, garramos l'enllaz a la derecha de la carretera AS-327 y en pasando'l túnel podemos ver la casa a mano derecha.

Trátase d'una casa de dos plantes d'estilu neoherrerianu, diseñada pol arquitectu local D. José Muñiz. Ta bien engalonada na fachada. L'estáu de conservación ye buenu.