Ta allugada nel barriu Castiello, Llorgozana. Podemos acceder dende l'AS-110, Candás-Tabaza; nel PK 8,900 coyemos la CE-2, La Barrera-Perán y a unos 1500 m. d'esi encruz esiste un camín de tierra que mos lleva al llugar, a la izquierda y a  unos 350 metros.

Ye del sieglu XVIII. Ye una casa rural con blasón. Tien un escudu cuarteláu y nos bordes podemos lleer la inscripción siguiente: "aunque non sooi toda de oro, en lo alto está el tesoro"

La propiedá ta compuesta por una panera y casa o palaciu arrodiáu por una muria de piedra. El so estáu ye d'abandonu, raspiando la ruina.

Na actualidá ye propiedá d'Ángel y Mª Carmen, conocíos como "los de Carretilla". Tala casa ye conocida nel llugar onde ta como "Ca María d'Ángel".