Asitiada na cai Carlos Albo, númberu 2, foi construyida ente los años 1880-1890. Esta casa foi vivienda de la familia del Busto hasta que pasó a selo de los Albo nos años 40. El propietariu orixinal foi D. Hermenegildo del Busto, quien de la mesma, vendió l'inmueble al so sobrín D. Agapito. L'edificiu tien la forma d'un xalé alpín; ye una casa de dos pisos con un teyáu a dos agües fuertemente apuntáu, sosteníu por orixinales pegollos de fierro que conformen un gran aleru decoráu con marquetería, lo que-y da esi interesante aire alpino.

Tres la valla y un xardín pequeñu hai restos del orixinal, tresformaos pol trazáu de la carretera. La fachada preséntase  con vanos remarcaos con moldures de color mariellu y arcos rebaxaos nel primer pisu,  mientres que'l segundu, en forma guardilla, tien como principal elementu distintivu un balcón-galería.

Esta casa foi testigu de les vivencies del ilustre escritor Armando Palacio Valdés. Nesta casa, l'adolescente xixonesa, Luisa Maximina Prendes Busto, futura esposa de Palacio Valdés, pasó de soltera dellos branos en Candás. La casa pertenecía a los sos parientes candasinos (Hermenegildo García - Barrosa, yera hermanu de la so güela) y el so tíu güelu dio-yos esta casa  pa cuando entamó¿l nuevu matrimoniu.