Ta allugada nel barriu Castiello, Llorgozana, nes proximidaes de l'antigua cantera. Podemos llegar a ella dende l'AS-110; nel PK 8,900 tomamos la carretera CE-2, La Barrera-Perán y a 1.300 metros garramos el camín de tierra y en circulando 200 metros vamos ver a la derecha los restos de la capiya. Anguaño ta en ruines, tapecida dafechu por matos y abandonada. Pue contar con más de 150 años d'antigüedá, valiendo como escuela fai unos 102 años. Tase na cuenta de que nos años 1970-71, arramplaron cola campana que tenía.