Los cañones del Faro de San Antonio, que daten del sieglu XVIII, de mano taben asitiaos nel muenye de Candás, pero por cuenta d¿unes obres fueron treslladaos nel añu 1770 al oteru de San Antonio, onde anguaño podemos atopar dos d'ellos.

Nos sos oríxenes estos cañones yeren tres, pero cuenten los documentos recoyíos que cuando los franceses entraron en Candás, pa evitar cualesquier insurrección per parte de los locales, tiraron a la mar les 200 armes coles que contaba la villa amás de los cañones que taben nel altu de San Antonio.

D'estos cañones llográronse recuperar dos, qu'apunten anguaño amenazantes, anque inofensivos, a una mar que va doscientos años foi escenariu del pasu de los ñavíos franceses y tamién ingleses.