Ta asitiáu nel barriu de Yebio-Perlora, a unos 200 m. del nu 1 d¿esi barriu, próximu a Ca Xavina. Aportamos al llugar dende la carretera AS-239, Lluanco/Luanco-Xixón/Gijón, y nel PK 6,600 tomamos a la derecha la carretera CE-2, Perán-Tabaza. En circulando per ella unos 2.400 m., garramos el camín asfaltáu en rampla que conduz a la casa que comentábemos. Dende ehí, caminamos unos 200 m. pelos praos y llegamos al torruxón.

Dicha Torre ye una construcción de la dómina románica y foi alzada como fortaleza pa defendese de los invasores. Daquella, tenía cuatro paredes de piedra que fueron utilizaes pa la construcción de delles cuadres y cases, quedando na actualidá namás la paré del llau este, onde na so parte más alta conserva parte de l'almena, too ello cubiertu de vexetación.