Ta asitiada n¿El barrio la Iglesia-Perlora. Aportamos a ella dende la carretera AS-239, Lluanco/Luanco-XixónGijón, y nel PK 7,050, tomamos el camín asfaltáu a la derecha que, nunos 200 m., va llevamos a la ilesia.

Esta ilesia foi destruyida na guerra civil española y construyida otra vuelta, allá nos años 40, pol contratista Manuel Pérez.

El so estáu de caltenimientu ye bonu y foi remocicada por última vez nel 1998.

Como festividaes hai que señalar la Sacramental, que se celebra'l 2u domingu de xunetu; la del patronu de Perlora, San Salvador, que se celebra'l 6 d'agostu y la de San Antonio Abá, festividá del ramu, que ye pal domingu siguiente dempués del 17 de xineru.

Como interés, nel pórticu de la ilesia esiste na paré una cruz pintada pol pintor candasín Alfredo Menéndez, de la que se diz que ye una copia de la que nel so día esistió  nel monasteriu de San Salvador fai unos 400 años. Sobre l'allugamientu del citáu monasteriu esisten series duldes, pudiendo tar nes proximidaes de la ensenada de Perán; anguaño los talleres de La Residencia, Perlora. Nun queden restos d'él. L'accesu a la ilesia ye bonu.
.