Ta asitiada nel llugar conocíu como El Cantu. Aportamos a ella dende la carretera AS-239, Lluanco/Luanco-Xixón/Gijón, y nel PK 6,600, tomamos a la derecha la carretera CE-6, Perán-Tabaza. Dempués d¿unos 4.700 m. garramos el camín asfaltáu y, a 300 m., llegamos a la capiya.

Esta capiya foi quemada na guerra civil española y reconstruyida en terminando la guerra. Foi remocicada por última vez nel añu 2000 y ta bien conservada. Data del sieglu X y foi utilizada como escuela a finales del sieglu XIX.

El patronu de Coyanca ye San Andrés, celebrando¿l 30 de payares una misa nel so interior. Mesmamente, el día 8 de setiembre tamién celebren nella la festividá de la Virxe de la Guía.

Cuenta la xente, que nun sitiu cerquina la capiya,  na cantera de ¿La Priola", nel valle de Coyanca-Perlora, toparon numberoses monedes d'oru que taben soterraes nun recipiente de barru. El descubrimientu  foi de casualidá, gracies a una de les numberoses voladures de la zona a mediaos del sieglu XX. Estes monedes fueron cuñaes nel sieglu I dempués de Cristu y según estudios d'arqueólogos y historiadores, pertenecieron a los romanos, afirmando que l'enterramientu d'estes pudo producise daquella, yá que nesa dómina yera típico esconder el dineru so tierra. Anguaño, estes monedes tán nel Muséu Arqueolóxicu d'Uviéu.