Ta asitiada nel barriu de Yebio 1. Podemos aportar al llugar dende la carretera AS-239, Lluanco/Luanco-Xixón/Gijón, y nel P.K. 6,600 tomamos a la derecha la carretera CE-2, Perán-Tabaza; en circulando unos 2.400 m. garramos el camín asfaltáu en rampla que conduz directamente a la casa.

La casa data del 1934, la familia Pérez sigue calteniendo la propiedá dende'l so orixe. Foi construyida por D. Ángel Rodríguez (foi una de les sos primeres obres).

La edificación ye d'estilu indianu, con traces de vivienda tradicional magar qu'esta familia nun tuvo rellación nenguna col mundu de la emigración a América.

Esta casa, ta nun llugar altu dende'l que s'acolumbra la entrada al valle y sigue en bona midida'l modelu de la casa de María "La Braña'. De dos pisos simétricos (cuatro cuartos en caún) nun solu cuerpu rectangular, cola so fachada de "prestixu" a la qu'accedemos dende una pequeña escalinata doble con antepechu y precedida por un xardín con palmeres.

El teyáu de bistechu grande, les esquines señalaes con sillares, les balconaes, el color blancu' too esto pue facemos creer nel so orixe indianu, lo que nun ye'l casu. L'edificiu complétase con construcciones amestaes dempués,  como los establos y la panera.