Ta asitiada nel barriu Espasa nu 13 de Perlora. Podemos llegar dende l'AS-239, Lluanco/Luanco-Xixón/Gijón, que pasa paralela a la mesma. Concretamente, ta allugada nel PK 6,900 de la carretera.

La casa ta nuna finca d'unos 10.000 m2, aproximao onde hai otra casa que ta cuasi en ruines,  tien na so fachada principal un escudu heráldicu que según paez data de primeros del sieglu XIX.

De siguío d'ésta, esistió un llagar, al llau d'ésti un cuartu onde se guardaben los carruaxes y a la derecha taben les caballerices. Tol conxuntu ta mui mal conserváu. Siguiendo pa la derecha podemos ver un molín tamién mal conserváu y qu¿antaño usaba l¿agua del ríu Espasa pa les sos xeres, pa lo que nel so día tenía permisu de la Comisaría d'Agües.

Dempués hai praos, y nel mediu, otra edificación que según los vecinos de la rodiada ye la conocida como Ca Polledo, construyida a mediaos del sieglu XIX y apocayá reconstruyida na so totalidá, rematando estos trabayos nel 1999. Ente otres coses d'interés, hai que señalar que les escaleres de la entrada principal a la vivienda nun fueron restauraes tando tal como yeren nel so día. En dicha finca esisten árboles centenarios, como un magnoliu y una camelia, ente otros. Esta casa yera de la familia Polledo, familia que perteneció a la nobleza española, siendo la postrera moradora Amalia Polledo Palacio, que dempués de la so muerte, a finales del sieglu XX, dexó tola propiedá a la so prima y actual propietaria Domitila Palacio, descendiente de les families González Olivares y Palacio, que veníen d¿Uviéu y Morcín, onde tienen más propiedaes.