Ta asitiada nel barriu Dormón; podemos llegar dende la carretera Lluanco/Luanco-Xixón/Gijón (AS-239)

Construyida nel añu 1881, el so propietariu orixinal foi D. Luis Polledo y González Olivares, pasando dempués a manes del inxenieru D. José Ureña y finalmente a la familia actual, Alvaré García. Siendo como ye una casa tradicional, pasu ente pasu fueron incorporándo-y elementos novedosos eclécticos.

Sobre la típica estructura cuadrangular con un teyáu a dos vertientes, dos pisos, la so correspondiente galería llateral de madera, les vigues y dinteles en granitu, etc., apaecen otros elementos más modernos como son un pórticu sosteníu por columnes de fierro fundío y que sirven de sofitu a una preciosa galería de madera y vidriu; tamién una cenefa de madera calao nel bistechu como la d'otros edificios de la zona.

A destacar tamién los restos del xardín delantre de la entrada de la carretera y los edificios anexos, especialmente'l tendeyón que ye del 1899.