Ta asitiada, como'l so nome indica, nel barriu La Braña. Aportamos a ella pela carretera CE-2, que podemos garrar dende l'AS-239 a l¿altura de Perán.

Esta casa, fechada nel añu 1885, pertenez a la familia Prendes. Hai que resaltar qu'un hermanu del dueñu, D. Álvaro, foi propietariu de mines en Vil.lablinu  y caltuvo rellaciones comerciales con Cuba, polo que nun hai que refugar una influencia indiana. Desconozse'l primer maestru d'obres, y magar pue considerase como una casa d¿indianos, tien tamién influencies de la construcción tradicional.

Metanes un xardín-güerta nel que rescamplen les indispensables palmeres, álzase un gran edificiu (de más de 300 metros cuadraos) orientáu al sur; de planta rectangular, con una fachada anguaño mui cambiada; d'entrada con soportal y dos pisos con distribución asemeyada de cuatro vanos por pisu; na posguerra, la fachada trasera foi reformada llixeramente cola ampliación de les ventanes, pero ensin alteriar la estructura primitiva. El gran teyáu a dos agües alluga tanto la casa como la cuadra y les dependencies apegaes. La decoración reduzse al bistechu, al ablanquiáu de les muries y al orixinal borde de ventanes y balcones. Hai que resaltar tamién la presencia de dos artístiques paneres del sieglu XVIII.