Ta asitiada nel barriu de San Zabornín, nu 4, parroquia d'El Pieloro/Piedeloro. Aportamos a la mesma pela carretera CE-1, Candás-San Zabornín, y a 5 km., llegamos al barriu.

Ye una casa mariñana coles característiques d'esti tipu de construcciones: portalón central y a los llaos d'esti, cocina y cuartu respectivamente. Al fondu de la cuadra y na parte cimera d'esta ta la tenada. Los desvanes tán asitiaos enriba la cocina y del cuartu. Les paredes son de piedra.

La casa data del sieglu XVI y foi construyida por una señora que vieno de Cuba fai más de 500 años. Tien na so fachada principal escudu heráldicu de los González-Pola y ta en bon estáu de caltenimientu. Allá pol 1940 na casa había tienda, chigre y un fornu de lleña que tuvo en funcionamientu hasta los años 80, coincidiendo cola muerte del so postreru morador José Ramón Suárez, padre de la propietaria actual de la casa, Mª Luisa Suárez Suárez. L'estáu de caltenimientu de la casa nun ye bonu, ta mal el teyáu y tien mugores. Nun esisten señales indicadores que mos indiquen el so allugamientu exactu, pero los accesos a la mesma son bonos per carretera asfaltada.