Ta a pocos 200 m. de la carretera AS-19, Xixón/Gijón-Avilés; nel PK 9,400, tomamos el camín asfaltáu a la izquierda y en circulando 400 m., llegamos al torruxón.

Ye un bastión defensivu del sieglu XIII, de probable orixe romanu, qu'entá caltién les cuatro paredes y cola puerta oxival na fachada sur.

L'aspectu del macizu del conxuntu y l'espesor de les muries teníen como finalidá aguantar posibles ataques de los normandos mientres la monarquía asturiana. Asina, la puerta ta alzada sobre'l terrén y p'aportar al so interior yera preciso una escalera de mano.

Les fachaes llaterales y traseres tienen como únicos güecos, les tres aspilleres o boques de tiru dispuestes en distintos altores, pa defendese de los enemigos.

El so estáu de caltenimientu nun ye bonu y nun hai nenguna señalización del allugamientu. Ta nuna propiedá privada.